დანიის პრემიერ მინისტრი თბილისის სათაო ოფისს დანიის ოფიციალური პირების დელეგაციის, დიპლომატებისა და მედიის თანხლებით ესტუმრა. მას ჰანსიორგ ჰაბერი, გენერალი ჟანვიე და ევროკავშირის სადამკვირვებლო მისიის დანიური კონტიგენტის წარმომადგენლები დახვდნენ. ბ-ნ რასმუსენმა დაათვალიერა სათაო ოფისი და ბ-ნ სტეფან ბრასისაგან ევროკავშირის სადამკვირვებლო მისიის მანდატის, საქმიანობისა და გამოწვევების შესახებ ინფორმაცია მოისმინა. ამის შემდეგ, ელჩმა ჰაბერმა ბ-ნ რასმუსენთან სიტუაციის პოლიტიკური მხარე განიხილა.
ბატონმა ჰაბერმა ევროკავშირის სადამკვირვებლო მისიის პრაქტიკული მიდგომა ახსნა და განაცხადა, რომ მისია კონცენტრირებას შესაბამისი ხელისუფლების ყველა წარმომადგენელს შორის ნდობის აღდგენაზე ახდენს, ხოლო ლეგიტიმურობისა და სტატუსის საკითხები ჟენევის მოლაპარაკების ნაწილია.
ბ-ნ რასმუსენმა მისიის საქმიანობასთან დაკავშირებით დიდი ინტერესი გამოხატა. მან განაცხადა: „ჩვენ უდიდეს მნიშვნელობას ვანიჭებთ ევროკავშირის სადამკვირვებლო მისიას. იგი მოვლენებზე ევროკავშირის სწრაფი რეაგირების შესაძლებლობის დემონსტრირებას ახდენს. დანია კვლავ გააგრძელებს ამ მეტად მნიშვნელოვანი მისიის მხარდაჭერას.“
 |
 |
 |