29 თებერვალს ევროკავშირის სადამკვირვებლო მისიის წარმომადგენლებმა მიიღეს მონაწილეობა ინციდენტების პრევენციისა და მათზე რეაგირების მექანიზმის ფარგლებში გაეროს თავმჯდომარეობით გალში გამართულ ოცდამეთოთხმეტე შეხვედრაში.
მონაწილეებმა განიხილეს რამდენიმე დაკავების შემთხვევა და ადმინისტრაციული საზღვრის მახლობლად მომხდარი რამდენიმე ბოლოდროინდელი ინციდენტი. მხარეებმა ასევე განიხილეს ადგილობრივი მოსახლეობის გადაადგილების თავისუფალებასთან დაკავშირებული საკითხები. მოწოდებულ იქნა ინფორმაცია, რომ შეზღუდვები ენგურის ხიდზე მხოლოდ დროებითია.
აგრეთვე ისევ წამოიწია ერთობლივი
ძალისხმევის საჭიროება ადმინისტრაციული საზღვრის ორივე მხარის მომცველ დანაშაულებთან ბრძოლის წინააღმდეგ.
შემდეგი შეხვედრა ინციდენტების პრევენციისა და მათზე რეაგირების მექანიზმის ფარგლებში გაიმართება გალში, 2012 წლის 23 მარტს
