ევროკავშირის სადამკვირვებლო მისია საქართველოს პოლიციის შენაერთების ხელმძღვანელებს შეხვდა

5 თებერვალს ევროკავშირის სადამკვირვებლო მისიის ხელმძღვანელი ელჩი ანდჟეი ტიშკევიჩი მისიის რეგიონალური ოფისების ხელმძღვანელებსა და პასუხისმგებელ პირებთან ერთად შეხვდა დასავლეთ საქართველოს   პოლიციური შენაერთების მეთაურებს .

ქუთაისში ჩატარებული შეხვედრის მიზანს პოლიციის ხელმძღვანელებისთვის , (რომელთაგან ზოგიერთი ახალდანიშნული იყო), ევროკავშირის სადამკვირვებლო მისიის როლის   დეტალური ახსნა   წარმოადგენდა . შეხვედრაზე საქართველოს შინაგან საქმეთა სამინისტროს ( შსს ) ანალიტიკური დეპარტამენტის უფროსმა დავით სუჯაშვილმა ხაზგასმით აღნიშნა ევროკავშირის სადამკვირვებლო მისიის საქართველოში ყოფნის მნიშვნელობა .

შეხვედრის მონაწილეებს მიეწოდათ ინფორმაცია მისიის სტრუქტურის , მანდატის , როლისა და საქმიანობის შესახებ . დეტალურად განხილული იყო 2008 წლის ომის შემდეგ შსს-სა და მისიას შორის ხელმოწერილი პოლიციის გამჭვირვალობის უზრუნველმყოფელი   მემორანდუმი ურთიერთგაგების შესახებ , რაც სამინისტროს მიერ აღებულ ვალდებულებებსაც მოიცავდა . როგორც ელჩმა ტიშკევიჩმა ხაზგასმით აღნიშნა , საპოლიციო ძალების მიერ მისიის საქმიანობის უკეთესად გაცნობა მისიის დამკვირვებლების ადგილზე მუშაობას ხელს შეუწყობს .

7 თებერვალს , ევროკავშირის სადამკვირვებლო მისიის თანამშრომლები მონაწილეობას მიიღებენ აღმოსავლეთ საქართველოს პოლიციის ხელმძღვანელებთან გამართულ მსგავს შეხვედრაში . გასული წლის დეკემბერში აღნიშნულ საკითხთან დაკავშირებით   წარმატებული შეხვედრა საქართველოს თავდაცვის სამინისტროს მაღალი რანგის წარმომადგენლებთან გაიმართა .