ევროკავშირის საგარეო საქმეთა და უსაფრთხოების პოლიტიკის უმაღლესი წარმომადგენლის კეტრინ ეშტონისა და ევროპული სამეზობლო პოლიტიკისა და გაფართოების საკითხებში ევროკომისარის შტეფან ფულეს წარმომადგენლებმა დღეს შემდეგი განცხადება გააკეთეს:
"უმაღლესი წარმომადგენელი/ვიცე პრეზიდენტი ეშტონი და კომისარი ფულე მიესალმებიან გუშინ საქართველოს პარლამენტის მიერ საქართველოს კონსტიტუციაში შეტანილი მნიშვნელოვანი ცვლილების ერთხმად მიღებას. პარტიებს შორის მიღწეული კონსენსუსი, რომელსაც ეს შეთანხმება ეფუძნება, ქართულ პოლიტიკაში მოღვაწე ყველა მხარის მიერ ეროვნულ ინტერესებში მოქმედი ეფექტიანი მმართველობის ერთგულებაზე მეტყველებს. საკონსტიტუციო ცვლილება, რომელიც ადასტურებს დემოკრატიულად არჩეული პარლამენტის როლს ახალი მთავრობის დანიშვნის დამტკიცებაში, საქართველოს დემოკრატიას კონსოლიდაციას უწევს და ქართულ პოლიტიკაში ყველა მხარეს შორის თანამშრომლობის მნიშვნელოვან პრეცედენტს ქმნის. უმაღლესი წარმომადგენელი და კომისარი ფულე საქართველოში ყველა დაინტერესებულ მხარეს მოუწოდებენ კონსტრუქციულად გააგრძელონ ერთობლივი მუშაობა ქართველი ხალხის საკეთილდღეოდ."