ათასობით საქართველოს მოქალაქემ უკეთ გაიცნო ევროკავშირი

ევროპის დღეების აღნიშვნამ თბილისში, კვირას, 8 მაისს, ათასობით დაინტერესებული სტუმარი მოიზიდა. ღონისძიებისთვის მორთულმა რიყის პარკმა ქალაქის ცენტრში ევროპულ სოფელს უმასპინძლა და ბევრი სტუმარი მიიღო. 17 ევროპული ქვეყნის სტენდმა და ბევრმა ევროპულმა ორგანიზაციამ და დაწესებულებამ დამსწრეთ ევროპის უკეთ გაცნობის საშუალება მისცა. ღონისძიებას ასევე თან ახლდა ქართველი სტუდენტებისა და ბავშვების სხვადასხვა წარმოდგენა.

განსაკუთრებით დიდი წარმატება ევროკავშირის სადამკვირვებლო მისიის საპატრულო ჯგუფმა და მათმა მანქანებმა ბავშვებიან ოჯახებს შორის მოიპოვა. მისიის დამკვირვებლებმა ვიზიტორებს აჩვენეს თავიანთი აღჭურვილობა და ისაუბრეს ადმინისტრაციულ საზღვართან სადამკვირვებლო საქმიანობის შესახებ. ევროპის დღის აღსანიშნავი ღონისძიებები თბილისში საღამოსაც გაგრძელდა, სადაც ევროვიზიის ქართველმა ვარსკვლავებმა ნინო სუბლატმა და ელდრინმა ცოცხალი და ენერგიული წარმოდგენა გამართეს.

საქართველოში ევროპის დღეები 8-24 მაისს სხვადასხვა ადგილას კულტურული და საგანმანათლებლო ღონისძიებებით გაგრძელდება. მეტი ინფორმაციის მისაღებად ეწვიეთ ვებ-გვერდს The European Days website ან მოიწონეთ The European Days on Facebook.