6 ოქტომბერს გალში საქართველოს, აფხაზეთის, რუსეთის და ევროკავშირის სადამკვირვებლო მისიის წარმომადგენლები დაესწრნენ ინციდენტების პრევენციისა და მათზე რეაგირების მექანიზმის ფარგლებში გამართულ მეექვსე შეხვედრას, რომელიც გაეროს შუამავლობით მოეწყო.
განხილულ იქნა ზუგდიდისა და გალის რაიონებს შორის გადაადგილების თავისუფლების საკითხები და ასევე აფხაზეთში მცხოვრები ბავშვების ქართულ სკოლებში განათლების ხელმისაწვდომობის სხვადასხვა ასპექტები. ევროკავშირის სადამკვირვებლო მისიის ადგილზე სიტუაციაზე დაკვირვების ანგარიშზე დაყრდნობით მონაწილეები შეთანხმდნენ, რომ საერთო მისაწვდომობა დამაკმაყოფილებელი იყო. ასევე განხილულ იქნა ადრე მომხდარი ინციდენტები და მდინარე ინგურის ხეობაში ვერტმფრენის მიერ განხორციელებული ფრენები. მონაწილეები შეთანხმდნენ, რომ გააგრძელებდნენ ამ საკითხის გამოკვლევას.
ბოლო საზღვაო ინციდენტებთან დაკავშირებით წარმოდგენილი იყო საზღვაო კანონთან დაკავშირებული არსებული სამართლებრივი მექანიზმების განხილვა გაეროს კონვენციის ფარგლებში. შეთანხმებული იყო, რომ საჭიროა თავი აერიდოს უსაფრთხოებისთვის პოტენციალური საშიშროების მქონე საზღვაო ინციდენტებს.
მომდევნო შეხვედრის ჩატარება დაგეგმილია გალში, 2009 წლის 20 ოქტომბერს.
