ადმინისტრაციული საზღვრის მიმდებარე ტერიტორიებზე მცხოვრები ადგილობრივი მოსახლეობის საყოფაცხოვრებო საკითხები ევროკავშირის სადამკვირვებლო მისიის მანდატის მიხედვით, მის ერთ-ერთ ძირითად პრიორიტეტს წარმოადგენს. რადგან ბევრი ადამიანისთვის სოფლის მეურნეობა შემოსავლის ძირითადი წყაროა, დვანის მახლობლად მდებარე ადმინისტრაციული საზღვრის გადამკვეთი სარწყავი არხის ბლოკირებამ სერიოზული შეშფოთება გამოიწვია.
16 ივნისს ყველა მხარის ინფორმირების მიზნით და არხის წყალმომარაგების აღდგენის მოთხოვნით სატელეფონო ცხელი ხაზი ამოქმედდა. რამდენიმე დღის შემდეგ, ინციდენტების პრევენციისა და მათზე რეაგირების მექანიზმის ფარგლებში ერგნეთში 21 ივნისს დაგეგმილი შეხვედრის გამართვამდე, პრობლემა კონსტრუქციულად მოგვარდა და წყალი ისევ თავისუფლად მოედინება.
მისია ასევე მიესალმება ინციდენტების პრევენციისა და მათზე რეაგირების მექანიზმის ფარგლებში ჩატარებული შეხვედის შემდეგ რამდენიმე საათში ცხინვალის იზოლატორიდან დაკავებულის განთავისუფლებას.
ევროკავშირის სადამკვირვებლო მისია მადლობას უხდის ყველა მხარეს გამოჩენილი მიდგომისათვის და საყოფაცხოვრებო და გადაადგილების თავისუფლების საკითხებთან დაკავშირებით ადგილობრივი მოსახლეობის პრობლემების მოსაგვარებლად მეტ მსგავს პრაგმატულ გადაწყვეტილებას ელოდება.
