ესპანეთის საგარეო საქმეთა მინისტრი მორატინოსი, ფოთში, ევროკავშირის სადამკვირვებლო მისიის რეგიონალურ ოფისს ეწვევა

შაბათს, 18 ოქტომბერს, ესპანეთის საგარეო საქმეთა მინისტრი, მიგელ ანხელ მორატინოსი, ევროკავშირის სადამკვირვებლო მისიის ფოთის რეგიონალურ ოფისს ეწვევა. ევროკავშირის სადამკვირვებლო მისიის ხელმძღვანელის, ელჩი ჰანსიორგ ჰაბერის თანხლებით, იგი  ევროკავშირის სადამკვირვებლო მისიის და რეგიონალური ოფისის საქმიანობას გაეცნობა. ამასთან, საგარეო საქმეთა მინისტრი ფოთში მყოფ ევროკავშირის ესპანელი დამკვირვებლების კონტიგენტს შეხვდება.